ରକେଟ ଆକ୍ରମଣରେ ମୃତ୍ୟୁ ହୋଇଥିବା କେରଳର ମହିଳା ସୌମ୍ୟା ସନ୍ତୋଷଙ୍କ ପରିବାର ଖର୍ଚ୍ଚ ଉଠାଇବେ ଇସ୍ରାଏଲ ସରକାର । ଇସ୍ରାଏଲ ସରକାରଙ୍କର ଜଣେ ଅଧିକାରୀ ଏହି ଘୋଷଣା କରିଛନ୍ତି । ପାଲେଷ୍ଟାଇନ୍ ଓ ଇସ୍ରାଏଲ ମଧ୍ୟରେ ଚାଲିଥିବା ହିଂସା ମଧ୍ୟରେ ହମାସ ପକ୍ଷରୁ ହୋଇଥିବା ରକେଟ ଆକ୍ରମଣରେ ସୌମ୍ୟାଙ୍କର ମୃତ୍ୟୁ ହୋଇଥିଲା । ସୌମ୍ୟା କେରଳର ଇଡୁକ୍କୀ ଜିଲ୍ଲା ନିବାସୀ ଅଟନ୍ତି ଏବଂ ଆକ୍ରମଣର ଶିକାର ହେବା ସମୟରେ ସେ ନିଜ ପତିଙ୍କ ସହିତ ଫୋନ୍ରେ କଥା ହେଉଥିଲେ ।
ଭାରତରେ ଇସ୍ରାଏଲର ଉପଉଚ୍ଚାୟୁକ୍ତ ରନି ୟେଦିଦିୟା ଗଣମାଧ୍ୟମର ସଂସ୍ଥାକୁ କହିଛନ୍ତି ଯେ, ସୌମ୍ୟାଙ୍କ ପରିବାରକୁ ଇସ୍ରାଏଲ ପକ୍ଷରୁ ଅନୁକମ୍ପା ଦିଆଯିବ । ସରକାର ସୌମ୍ୟାଙ୍କ ପରିବାରର ସମସ୍ତ ଖର୍ଚ୍ଚ ଉଠାଇବେ । ସେ କହିଛନ୍ତି ଯେ, ଆମେ ପରିବାର ସହିତ ସଂପର୍କ କରୁଛି । ଯେତେବେଳେ ହିଂସା ହୋଇଥିଲା, ସେହି ସମୟରେ ସୌମ୍ୟା ନିଜର ସ୍ୱାମୀଙ୍କ ସହିତ କଥା ହେଉଥିଲେ । ଏହା ମୁଁ ଅନୁମାନ କରିପାରିବି । ଏହାକୁ ନେଇ ମୁଁ କେବଳ ସମ୍ବେଦନ ଜଣାଇପାରିବି ।
ସୌମ୍ୟା ସନ୍ତୋଷଙ୍କ ମରଶରୀର ଭାରତ ଆସିବ । ରାଜଦୂତ ପରିବାର ଲୋକଙ୍କ ସହିତ କଥା ହୋଇଛନ୍ତି । ସୌମ୍ୟା ସନ୍ତୋଷଭ୍କ ପରିବାର ତେଲ ଅଭିଭରେ ଭାରତୀୟ ଦୂତାବାସ ସହିତ ସଂପର୍କ କରୁଛନ୍ତି । ଭାରତୀୟ ଦୂତାବାସ ଶବ ଦେଶକୁ ପଠାଇବା ପାଇଁ ବ୍ୟବସ୍ଥା କରୁଛି । ପରିବାରକୁ ସରକାର ନଜର ରଖିବେ । କିନ୍ତୁ ଜଣେ ମା’ ଓ ପତ୍ନୀଙ୍କ କ୍ଷତିକୁ ପୂରଣ କରିପାରିବେ ନାହିଁ ବୋଲି ଇସ୍ରାଏଲ ସମବେଦନା ଜଣାଇଛି । ସୂଚନାଯୋଗ୍ୟ ସୌମ୍ୟା ବିଗତ ୭ ବର୍ଷ ହେବ ଇସ୍ରାଏଲରେ ରହି ଆସୁଥିଲେ । ଗତ ମଙ୍ଗଳବାର ସନ୍ଧ୍ୟାରେ ସେ ଯେତେବେଳେ ଆକ୍ରମଣର ଶିକାର ହୋଇଥିଲେ, ସେହି ସମୟରେ ସ୍ୱାମୀଙ୍କ ସହିତ ଭିଡିଓ କଲିଂରେ କଥା ହେଉଥିଲେ ।
