A+ ଗ୍ରେଡରେ ରହିବେ ରୋହିତ ଶର୍ମା ଓ ବିରାଟ କୋହଲି, କଣ୍ଟ୍ରାକ୍ଟକୁ ଫେରିବେ ଆୟର

A+ ଗ୍ରେଡରେ ରହିବେ ରୋହିତ ଶର୍ମା ଓ ବିରାଟ କୋହଲି, କଣ୍ଟ୍ରାକ୍ଟକୁ ଫେରିବେ ଆୟର

ନୂଆଦିଲ୍ଲୀ: ଭାରତୀୟ ଦଳକୁ ନିଜର ନେତୃତ୍ୱ ବଳରେ ଟି-୨୦ ବିଶ୍ୱକପ୍ ଓ ଚାମ୍ପିଅନ୍ସ ଟ୍ରଫି ଜିତାଇଥିବା ରୋହିତ ଶର୍ମା ବିସିସିଆଇର ୨୦୨୪-୨୫ କଣ୍ଟ୍ରାକ୍ଟ ଲିଷ୍ଟରେ ଏ ପ୍ଲସ ଗ୍ରେଡରେ ରହିବେ । ଗଣମାଧ୍ୟମ ରିପୋର୍ଟ ଅନୁଯାୟୀ, ବିରାଟ କୋହଲି ମଧ୍ୟ ନିଜର ଏ ପ୍ଲସ ଗ୍ରେଡ ବଜାୟ ରଖିବେ । ଅନୁବନ୍ଧ ତାଲିକାକୁ ଶ୍ରେୟସ ଆୟରଙ୍କ ପ୍ରତ୍ୟାବର୍ତ୍ତନ ଘଟିବ ।ରୋହିତ ଶର୍ମା ଟି-୨୦ ବିଶ୍ୱକପ୍ ୨୦୨୪ର ଟାଇଟଲ୍ ଜିତିବା ପରେ ଏହି ଫର୍ମାଟରୁ ସନ୍ନ୍ୟାସ ଘୋଷଣା କରିଥିଲେ । ବିରାଟ କୋହଲି ମଧ୍ୟ ଟି-୨୦ ଅନ୍ତର୍ଜାତୀୟରୁ ଅବସର ନେଇ ସାରିଛନ୍ତି । ବିସିସିଆଇ ସୂତ୍ର ଅନୁଯାୟୀ, ଟି-୨୦ରୁ ଅବସର ନେଇଥିଲେ ହେଁ ଦୁହିଁଙ୍କୁ ଏ ପ୍ଲସ ବର୍ଗରେ ରଖାଯିବା ନେଇ ବିଚାର କରାଯାଉଛି । ବୋର୍ଡ ମତରେ ଏହି ଦୁଇ ବରିଷ୍ଠ କ୍ରିକେଟର ଭାରତୀୟ କ୍ରିକେଟ୍ ଦଳର ସଫଳତାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି ।ସେମାନଙ୍କୁ ଉପଯୁକ୍ତ ସମ୍ମାନ ମିଳିବା ଉଚିଚ୍ । ସୂଚନାଯୋଗ୍ୟ, ୨୦୨୪ ଫେବୃଆରୀରେ ବିସିସିଆଇ ବିରାଟ, ରୋହିତଙ୍କ ସହିତ ଯଶପ୍ରୀତ ବୁମରା ଓ ରବୀନ୍ଦ୍ର ଜାଡେଜାଙ୍କୁ ଗ୍ରେଡ ଏ ପ୍ଲସରେ ସାମିଲ କରିଥିଲା । ଗ୍ରେଡ ଏରେ ମୋଟ୍ ୬ ଖେଳାଳି ଥିଲେ, ଯେଉଁଥିରେ ଶ୍ରେୟସଙ୍କୁ ଗତ ବର୍ଷ ବାଦ୍ ଦିଆଯାଇଥିଲା ।ଶ୍ରେୟସ ଆୟର ଗତ ବର୍ଷ କିଛିଟା ଘରୋଇ ମ୍ୟାଚ୍ ନ ଖେଳିବା କାରଣରୁ ବିସିସିଆଇ ତାଙ୍କୁ କେନ୍ଦ୍ରୀୟ ଅନୁବନ୍ଧନରୁ ବାଦ୍ ଦେଇଥିଲା । ଅନ୍ୟପଟେ ଇଶାନଙ୍କୁ ମଧ୍ୟ ବାଦ୍ ଦିଆଯାଇଥିଲା । ତେବେ ଶ୍ରେୟସ କେନ୍ଦ୍ରୀୟ ଅନୁବନ୍ଧକୁ ଫେରିବାକୁ ଯାଉଛନ୍ତି । ଗତ ବର୍ଷ କେନ୍ଦ୍ରୀୟ ଅନୁବନ୍ଧରେ ସାମିଲ୍ ଖେଳାଳିଗ୍ରେଡ ଏ ପ୍ଲସରୋହିତ ଶର୍ମା, ବିରାଟ କୋହଲି, ଯଶପ୍ରୀତ ବୁମରା ଓ ରବୀନ୍ଦ୍ର ଜାଡେଜା ଗ୍ରେଡ ଏଆର ଅଶ୍ୱିନ, ମହମ୍ମଦ ଶାମି, ମହମ୍ମଦ ସିରାଜ, କେଏଲ ରାହୁଲ, ଶୁଭମନ ଗିଲ୍ ଓ ହାର୍ଦ୍ଦିକ ପାଣ୍ଡ୍ୟା ଗ୍ରେଡ ବିସୂର୍ଯ୍ୟକୁମାର ଯାଦବ, ଋଷଭ ପନ୍ତ, କୁଲଦୀପ ଯାଦବ, ଅକ୍ଷର ପଟେଲ ଓ ଯଶସ୍ୱୀ ଜୟସ୍ୱାଲଗ୍ରେଡ ସିରିଙ୍କୁ ସିଂ, ତିଳକ ବର୍ମା, ଋତୁରାଜ ଗାଏକ୍ୱାଡ, ଶାର୍ଦ୍ଦୁଳ ଠାକୁର, ଶିବମ ଦୁବେ, ରବି ବିଷ୍ଣୋଇ, ଜିତେଶ ଶର୍ମା, ୱାଶିଂଟନ ସୁନ୍ଦର, ମୁକେଶ କୁମାର, ସଞ୍ଜୁ ସାମସନ, ଅର୍ଶଦୀପ ସିଂ, କେଏସ ଭରତ, ପ୍ରସିଦ୍ଧ କ୍ରିଷ୍ଣା, ଅଭେଶ ଖାନ ଓ ରଜତ ପାଟିଦାର ।

Leave a Reply

Your email address will not be published. Required fields are marked *