ଢେଙ୍କାନାଳରେ ପିଲାଚୋର ସନ୍ଦେହରେ ଜଣେ ବ୍ୟକ୍ତିକୁ ଖୁଣ୍ଟରେ ବାନ୍ଧି ନିସ୍ତୁକ ମାଡ଼ ମରାଯାଇଥିବାର ଖବର ମିଳିଛି। ସୂଚନା ଅନୁସାରେ ରାତି ୩ଟା ସମୟରେ କୁନୀ ଦେହୁରୀଙ୍କ ଘରେ ପଶି ଜଣେ ଅଜଣା ବ୍ୟକ୍ତି ପିଲା ଖୋଜୁଥିଲେ ।
ଏହି ସମୟରେ କୁନି ପାଟି କରି ଅନ୍ୟମାନଙ୍କୁ ଡାକିଥିଲେ । ପାଟି ଶୁଣି ବସ୍ତି ବାସିନ୍ଦା ଏହି ବ୍ୟକ୍ତିଙ୍କୁ ପିଲା ଚୋର ସନ୍ଦେହରେ କାବୁ କରିଛନ୍ତି । ସେମାନେ ତାକୁ ଧରିବା ପରେ ଖୁଣ୍ଟରେ ବାନ୍ଧି ମାଡ଼ି ମାରିବା ସହ ପୁଲିସକୁ ଖବର କରିଥିଲେ। ଏହାକୁ ନେଇ ବସ୍ତିରେ ଉତ୍ତେଜନା ପ୍ରକାଶ ପାଇଛି । ଟାଉନ ଥାନା ପୁଲିସ ଘଟଣାସ୍ଥଳରେ ପହଞ୍ଚି ସନ୍ଦିଗ୍ଧ ବ୍ୟକ୍ତିକୁ ଥାନାକୁ ନେଇ ଅଧିକ ପଚରାଉଚରା କରୁଛି।
