୧୯ ବର୍ଷ ପରେ ଗିରଫ ହେଲା ଏସିଡ ମାଡ଼ କରିଥିବା ଅଭିଯୁକ୍ତ । ଦୁଷ୍କର୍ମ ଉଦ୍ୟମ ପାଇଁ ଏସିଡ ମାଡ଼ କରାଯାଇଥିବା ଅଭିଯୋଗ ହୋଇଥିଲା । ଅଭିଯୁକ୍ତ ସୁବାସ ବେହେରାକୁ ଗିରଫ କରିଛି ଭଦ୍ରକ ଜିଲ୍ଲା ଧୂଷୁରୀ ପୋଲିସ । ସୂଚନାଅନୁସାରେ, ୨୦୦୨ ମସିହାରେ ଭଦ୍ରକ ଜିଲ୍ଲା ଧୂଷୁରୀ ଥାନା ରଇପୁର ଗାଁର ସୁବାସ ପଡୋଶୀ ମହିଳାଙ୍କୁ ଦୁଷ୍କର୍ମ ଉଦ୍ଦେଶ୍ୟରେ ଏସିଡ ମାଡ଼ କରିଥିବା ନେଇ ଅଭିଯୋଗ ହୋଇଥିଲା ।
ସୁବାସ ବେହେରା ନାଁରେ ଧୂଷୁରୀ ଥାନାରେ ୨୫/୨୦୦୨ ନମ୍ବର ଓ ଜିଆର କେସ୍ ନମ୍ବର ୨୮୩ / ୨୦୦୨ରେ ମାମଲା କରାଯାଇଥିଲା । ତେବେ ଘଟଣା ପରେ ଅଭିଯୁକ୍ତ ଫେରାର ଥିଲା । ଧୂଷୁରୀ ପୋଲିସ ସୁବାସକୁ ଗିରଫ କରି ପଚରାଉଚରା ଜାରି ରଖିଛି ।
