ଗଞ୍ଜେଇ ଚାଲାଣର ନୂଆ ତରିକା । ଅଦା ବୋଝେଇ ଟ୍ରକରେ ଗଞ୍ଜେଇ ଚୋରା ଚାଲାଣ ବେଳେ ୭୩୮ କେଜି ଗଞ୍ଜେଇ ଜବତ କଲା ଜୟପୁର ପୋଲିସ । କୋରାପୁଟ ଜିଲ୍ଲା ଜୟପୁର ସଦର ପୋଲିସ ଲମତାପୁଟରୁ ୭୩୮ କେଜି ଗଞ୍ଜେଇ ଜବତ କରିଛି । ଜବତ ଗଞ୍ଜେଇର ଅନୁମାନିକ ମୂଲ୍ୟ ୭୦ ଲକ୍ଷ ହେବ । ଲମତାପୁଟ ଦେଇ ଜୟପୁର ଆସୁଥିବା ସବୁଜ ଜହରକୁ ଜବତ କରିଛି ପୋଲିସ । ଘଟଣାସ୍ଥଳରୁ ୪୦ ହଜାର ଟଙ୍କା ଜବତ କରିବା ସହ ୨୮୦ ପେକେଟ ଅଦା ଜବତ ହୋଇଛି । ଏହା ସହ ଗଞ୍ଜେଇ ଚୋରା ଚାଲାଣରେ ବ୍ୟବହୃତ ଗୋଟିଏ ଟ୍ରକ UP-72-AT-2170 ଏବଂ ତିନି ଜଣ ଗଞ୍ଜେଇ ଚୋରା ଚାଲାଣକାରୀ ଗିରଫ କରିଛି ପୋଲିସ ।
