ଏପ୍ରିଲ ମାସରୁ ଆଉ ରବିବାର ହେବନାହିଁ କ୍ଲାସ । କେବଳ ହେବ ରିଭିଜନ କ୍ଲାସ । ଏନେଇ ସୂଚନା ଦେଇଛନ୍ତି ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ।
ବର୍ତ୍ତମାନ ପ୍ରଚଣ୍ଡ ଖରା ଯୋଗୁଁ ସକାଳୁଆ ସ୍କୁଲ ଚାଲିଛି । ନବମ ଓ ଦଶମ ପିଲାଙ୍କର ସକାଳୁଆ ସ୍କୁଲରେ କ୍ଲାସରୁମ ପାଠପଢା ଚାଲିଛି । ପ୍ରାୟତଃ କୋର୍ସ ଶେଷ ହୋଇଆସିଲାଣି । ରେଗୁଲାର କ୍ଲାସର ଆବଶ୍ୟକତା ନାହିଁ । ମାର୍ଚ୍ଚ ଶେଷ ସୁଦ୍ଧା ସବୁ କୋର୍ସ କଭର ହୋଇଯିବ । ଏପ୍ରିଲରୁ ରିଭିଜନ କ୍ଲାସ ହେବା ବେଳେ ରବିବାର କ୍ଲାସ ଆଉ ହେବନି। ପିଲାଙ୍କ ସଂଖ୍ୟା ମଧ୍ୟ ସ୍କୁଲ ରେ ଏବେ ଧୀରେ ଧୀରେ କମିବାକୁ ଲାଗିଲାଣି । ଏବେ ସେଲ୍ଫ ଷ୍ଟଡି ଉପରେ ପିଲାମାନେ ଗୁରୁତ୍ୱ ଦେଉଛନ୍ତି । ଏହା ଉପରେ ବିଚାର କରାଯାଉଛି ବୋଲି କହିଛନ୍ତି ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ।
