ଧାନକିଣାରେ ଅନିମିତତା ପ୍ରତିବାଦରେ ଭଦ୍ରକ ଜିଲ୍ଲା ଯୋଗାଣ କାଯ୍ୟାଳୟ ଆଗରେ 3 ଦିନ ହେବ ଅନଶନରେ ବସିଥିବା ଜଣେ ଚାଷୀ ଅସୁସ୍ଥ । ଚାଷୀ ରାମକୃଷ୍ଣ ପଣ୍ଡାଙ୍କୁ ଭଦ୍ରକ ମେଡିକାଲରେ ଭର୍ତ୍ତି କରାଯାଇଛି ।
ଭଦ୍ରକ ଜିଲ୍ଲାରେ ଧାନକିଣାରେ ଅନିମିତତା ଓ ମଣ୍ଡି ସମସ୍ୟା ନେଇ ବାରମ୍ବାର ଚାଷୀ ଅଭିଯୋଗ କଲେ ମଧ୍ୟ ଜିଲ୍ଲା ପ୍ରଶାସନ ଶୁଣୁନି । ବନ୍ଧଗାଁ ପଞ୍ଚାୟତର ଚାଷୀ ରାମକୃଷ୍ଣ ପଣ୍ଡା ବାବା ରାମେଶ୍ୱର ମହିଳା ସ୍ୱୟଂ ସହାୟକ ଗୋଷ୍ଠୀକୁ ଧାନ ବିକ୍ରୟ କରି ନ ପାରି ଫେବୃଆରୀ 27ରେ ବିଷ ପିଇଥିଲେ । ପରେ ଗୁରୁତର ହୋଇ ଭଦ୍ରକ ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଥିଲେ । ତାଙ୍କ ଧାନ ସବୁ କିଣା ଯିବ ବୋଲି ଜିଲ୍ଲା ପ୍ରଶାସନ ପ୍ରତିଶୃତି ଦେଇଥିଲା । କିନ୍ତୁ ଜିଲ୍ଲା ପ୍ରଶାସନ ପ୍ରତିଶୃତି ରଖିଲା ନାହିଁ । ଆଜିକୁ 3 ଦିନ ହେଲା ଜିଲ୍ଲା ଯୋଗାଣ ଅଧିକାରୀଙ୍କ କାର୍ଯ୍ୟାଳୟ ଆଗରେ ଅନଶନରେ ବସିଥିଲେ ଚାଷୀ ରାମକୃଷ୍ଣ । ଧାରଣାରେ ବସିଥିବା ଚାଷୀ ଅସୁସ୍ଥ ହୋଇ ପଡିଥିବା କାରଣରୁ ପୋଲିସ ତାଙ୍କୁ ନେଇ ଭଦ୍ରକ ମେଡିକାଲରେ ଭର୍ତ୍ତି କରିଛି । ତେବେ ଯେ ପର୍ଯ୍ୟନ୍ତ ପ୍ରଶାସନ ତାଙ୍କ ଦାବୀ ନ ଶୁଣିବେ ସେ ପର୍ଯ୍ୟନ୍ତ ତାଙ୍କ ନିଷ୍ପତ୍ତିରୁ ଓହରିବେ ନାହିଁ ବୋଲି ଚାଷୀ ରାମକୃଷ୍ଣ ପଣ୍ଡା କହିଛନ୍ତି ।
