ସାଂଘାତିକ କରୋନା ଆଉ ଜଣେ ସାମ୍ବାଦିକଙ୍କ ଜୀବନ ନେଇଛି । ବଲାଙ୍ଗୀର ଜିଲ୍ଲାର ପାଟଣାଗଡ଼ର ବାସିନ୍ଦା କୈଳାଶ ସାହୁ ରବିବାର ସଂକ୍ରମଣର ଶିକାର ହୋଇ ପ୍ରାଣ ହରାଇଥିଲେ ।
ଦୈନିକ ଓଡିଆ ଖବର ପାଇଁ କାମ କରୁଥିବା ସ୍ବର୍ଗତ ସାହୁ କିଛି ଦିନ ପୂର୍ବରୁ ଏହି କରୋନା ପଜିଟିଭ୍ ପରୀକ୍ଷା କରାଇଥିଲେ ଏବଂ ବଲାଙ୍ଗୀରର ସନ୍ଥ ଭୀମଭୋଇ ମେଡିକାଲ୍ କଲେଜ ଏବଂ ହସ୍ପିଟାଲରେ ଭର୍ତ୍ତି ହୋଇଥିଲେ।
ତେବେ ତାଙ୍କ ଶରୀର ସୁସ୍ଥ ହେବା ପରେ ତାଙ୍କୁ ଡାକ୍ତରଖାନାରୁ ଡିସଚାର୍ଜ କରାଯାଇଥିଲା। ରବିବାର ସକାଳେ ସେ ଶେଷ ନିଶ୍ୱାସ ତ୍ୟାଗ କରିଥିଲେ।
ସେ ପାଟଣାଗଡ ସାମ୍ୱାଦିକ ସଂଘର ସଭାପତି ଥିଲେ । ପୂର୍ବରୁ ବଲାଙ୍ଗିର ସାମ୍ୱାଦିକ ସଂଘର ପୂର୍ବତନ ସଭାପତି ଥିଲେ କୈଳାସ । ୧୨ ବର୍ଷ ଧରି ଧରିତ୍ରୀରେ ସାମ୍ୱାଦିକ ଭାବେ କାର୍ୟ୍ୟ କରିଥିବା ବେଳେ ବର୍ତ୍ତମାନ ପ୍ରଗତିବାଦୀରେ କାର୍ୟ୍ୟରତ ଥିଲେ।
ବରିଷ୍ଠ ସାମ୍ବାଦିକଙ୍କ ଆକସ୍ମିକ ଦେହାନ୍ତ ହେତୁ ଗଣମାଧ୍ୟମ ଜଗତରେ ଶୋକର ଛାୟା ସୃଷ୍ଟି ହୋଇଛି ।
