ସୁପ୍ରିମକୋର୍ଟର ପୂର୍ବତନ ବିଚାରପତି ଜଷ୍ଟିସ ଅରୁଣ ମିଶ୍ର ଆଜି ଜାତୀୟ ମାନବାଧିକାର କମିଶନର ନୂତନ ଅଧ୍ୟକ୍ଷ ଭାବେ ଦାୟିତ୍ୱ ଗ୍ରହଣ କରିଛନ୍ତି। ଡିସେମ୍ବର 2020 ରେ ଭାରତର ପୂର୍ବତନ ପ୍ରଧାନ ବିଚାରପତି ଜଷ୍ଟିସ୍ ଏଚ୍ ଏଲ୍ ଦତ୍ତୁ ତାଙ୍କ କାର୍ଯ୍ୟକାଳ ଶେଷ କରିଥିବାରୁ NHRC ମୁଖ୍ୟଙ୍କ ପଦ ଖାଲି ପଡ଼ିଥିଲା।
ଜଷ୍ଟିସ୍ ଦତ୍ତୁ ଡିସେମ୍ବର 2, 2015 ରେ CJI ଭାବରେ ଅବସର ନେବା ପରେ ଫେବୃଆରୀ 29, 2016 ରେ NHRC ରେ ଯୋଗ ଦେଇଥିଲେ।
ଉଲ୍ଲେଖଯୋଗ୍ୟ, ଜଷ୍ଟିସ୍ ମିଶ୍ର 2014 ରେ ସୁପ୍ରିମକୋର୍ଟର ବିଚାରପତି ଭାବରେ ଦାୟିତ୍। ଗ୍ରହଣ କରିଥିଲେ ଏବଂ ଗତ ବର୍ଷ ସେପ୍ଟେମ୍ବରରେ ସର୍ବୋଚ୍ଚ ନ୍ୟାୟାଳୟରୁ ଅବସର ନେଇଥିଲେ।
ଜଷ୍ଟିସ ଅରୁଣ ମିଶ୍ର କଲିକତା ଏବଂ ରାଜସ୍ଥାନ ହାଇକୋର୍ଟର ପ୍ରଧାନ ବିଚାରପତି ଭାବରେ କାର୍ଯ୍ୟ କରିଥିବାବେଳେ ମଧ୍ୟପ୍ରଦେଶ ହାଇକୋର୍ଟରେ ସେ କାମ ଆରମ୍ଭ କରିଥିଲେ।
ତାଙ୍କ ପିତା ସ୍ୱର୍ଗତ ହରଗୋବିନ୍ଦ ମିଶ୍ର ମଧ୍ୟପ୍ରଦେଶ ହାଇକୋର୍ଟର ବିଚାରପତି ଥିଲେ। ମିଶ୍ର ପ୍ରଥମେ ଅକ୍ଟୋବର 1999 ରେ ମଧ୍ୟପ୍ରଦେଶ ହାଇକୋର୍ଟର ବିଚାରପତି ହୋଇଥିଲେ ଏବଂ 2010 ପର୍ଯ୍ୟନ୍ତ ସେଠାରେ ରହିଥିଲେ।
ନଭେମ୍ବର 2010 ରେ ତାଙ୍କୁ ରାଜସ୍ଥାନ ହାଇକୋର୍ଟକୁ ପ୍ରଧାନ ବିଚାରପତି ଭାବରେ ସ୍ଥାନାନ୍ତର କରାଯାଇଥିଲା ଏବଂ ସେଠାରେ ସେ ଡିସେମ୍ବର 2012 ପର୍ଯ୍ୟନ୍ତ ରହିଥିଲେ। ଏହା ପରେ ସେ ସୁପ୍ରିମକୋର୍ଟକୁ ସ୍ଥାନାନ୍ତରିତ ହେବା ପୂର୍ବରୁ କଲିକତା ହାଇକୋର୍ଟର ପ୍ରଧାନ ବିଚାରପତି ହୋଇଥିଲେ।
