ରାଜ୍ୟର ୫ଟି ସହରରେ ଅକ୍ସିଜେନ କନସେଣ୍ଟ୍ରଟର ହୋମ ଡେଲିଭେରି ମାଧ୍ୟମରେ ଯୋଗାଇ ଦିଆଯିବ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ବିଟ କରି ଜଣାଇଛନ୍ତି । ଏହି ସୁବିଧା ଭୁବନେଶ୍ୱର, ବ୍ରହ୍ମପୁର, କଟକ, ରାଉରକେଲା ଓ ସମ୍ବଲପୁରରେ ମିଳିପାରିବ।
କରୋନା ମହାମାରୀ ସମୟରେ ଅକ୍ସିଜେନ ଖୋଜୁଥିବା ଲୋକଙ୍କୁ ଏହି ବ୍ୟବସ୍ଥା ସହାୟକ ହେବ ବୋଲି ସେ ଜଣାଇଛନ୍ତି । କୋଭିଡ ଡ୍ୟାସ ବୋର୍ଡରେ ଲଗଇନ କରି ଅକ୍ସିଜେନ କନସେଣ୍ଟ୍ରଟର ପାଇଁ ବୁକ କରିବାକୁ ପଡିବ ।
ବୁକ କରିବା ପରେ ଅକ୍ସିଜେନ କନସେଣ୍ଟ୍ରଟର ହୋମଡେଲିଭରି କରାଯିବ । ଅକ୍ସିଜେନ କନସେଣ୍ଟ୍ରଟର ବାହାର ବାୟୁରୁ ଅକ୍ସିଜେନ ପ୍ରସ୍ତୁତ କରିପାରିବ । ସାଧାରଣତଃ ବାହାର ବାୟୁରେ ୨୧ ପ୍ରତିଶତ ଅକ୍ସିଜେନ ଥାଏ । ତେବେ ଏହି କନସେଣ୍ଟ୍ରଟର ଶୁଦ୍ଧ ଅକ୍ସିଜେନ ପ୍ରସ୍ତୁତ କରି ଯୋଗାଇ ଦେଇପାରିବ ।
