ଓଡିଶା ଭିଜିଲାନ୍ସ ନିର୍ଦ୍ଦେଶକ ଦେବଶିଷ ପାଣିଗ୍ରାହୀଙ୍କୁ ଉନ୍ନତ ଚିକିତ୍ସା ପାଇଁ ଆଜି କୋଲକାତାକୁ ବିମାନ ଯୋଗେ ନିଆଯାଇଛି। କରୋନା ସଂକ୍ରମିତ ହେବା ପରେ ପାଣିଗ୍ରାହି କଟକସ୍ଥିତ ଅଶ୍ୱିନୀ ହସ୍ପିଟାଲରେ ଭେଣ୍ଟିଲେଟର ଥିଲେ। ଫୁସଫୁସରେ ବ୍ୟାପକ ସଂକ୍ରମଣ ଏବଂ ପ୍ରଦାହ ହେତୁ ତାଙ୍କ ଅବସ୍ଥାରେ କୌଣସି ଉନ୍ନତିର ଲକ୍ଷଣ ଦେଖାନଯିବା ପରେ ଡାକ୍ତରଖାନାର ଡାକ୍ତରମାନେ ତାଙ୍କ ପରିବାରକୁ ECMO (ଏକ୍ସଟ୍ରାକୋରପୋରାଲ୍ ମେମ୍ବ୍ରେନ୍ ଅମ୍ଳଜାନ) ଚିକିତ୍ସା ପାଇଁ ପରାମର୍ଶ ଦେଇଥିଲେ।
ଆମ୍ବୁଲାନ୍ସ ସାହାଯ୍ୟରେ ରୋଗୀକୁ ସ୍ଥାନାନ୍ତର କରିବା ପାଇଁ ଅଶ୍ୱିନୀ ହସ୍ପିଟାଲରୁ ରାଜ୍ୟ ରାଜଧାନୀର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦର ପର୍ଯ୍ୟନ୍ତ ଏକ ‘ଗ୍ରୀନ୍ କରିଡର’ ପ୍ରସ୍ତୁତ କରାଯାଇଥିଲା। ଏହା ପରେ ତାଙ୍କୁ ଏୟାର ଆମ୍ବୁଲାନ୍ସରେ କୋଲକାତା ନିଆଯାଇଛି।
ତେବେୋ ଏଥି ପାଇଁ ପୁର୍ବରୁ କଲିକାତାରୁ ଏକ ଚାରିଜଣିଆ ବିଶେଷଜ୍ଞ ଦଳ ଅଶ୍ୱିନୀ ହସ୍ପିଟାଲରେ ପହଞ୍ଚିଥିଲେ ଯେଉଁଠାରେ ବରିଷ୍ଠ ଆଇପିଏସ୍ ଅଧିକାରୀ ଭର୍ତ୍ତି ହୋଇଥିଲେ। ତାଙ୍କ ସ୍ଥାନାନ୍ତର ପାଇଁ କଟକ ଭିତ୍ତିକ ଘରୋଇ ଡାକ୍ତରଖାନାରେ ECMO ବିଶେଷଜ୍ଞଙ୍କ ଏକ ଟିମ୍ ଏବଂ ଗୁରୁତର ଚିକିତ୍ସାର ଅନ୍ୟ ଏକ ଟିମ୍ ଉପସ୍ଥିତ ଥିଲେ ।
