କ୍ରାଇମବ୍ରାଞ୍ଚ୍ ଏସଟିଏଫ୍ ପଞ୍ଝାରେ ପଡିଛି ବଜ୍ରକାପ୍ତା ସ୍ମଗଲର । ଡିଲ ହେଉଥିବା ବେଳେ ଭୁବନେଶ୍ୱର କଳିଙ୍ଗ ଷ୍ଟୁଡିଓ ଛକରେ ସ୍ମଗଲରଙ୍କୁ ଏସଟିଏଫ୍ କାବୁ କରିଛି । ସେମାନଙ୍କ ଠାରୁ ଗୋଟିଏ ବଜ୍ରକାପ୍ତା ଉଦ୍ଧାର କରାଯାଇଛି । ଏହାସହିତ ୩ ଜଣଙ୍କୁ ଗିରଫ ମଧ୍ୟ କରାଯାଇଛି ।
ଗିରଫ ୩ ହେଲେ କଟକ ବଡମ୍ବାର ଚିତ୍ରସେନ ସାହୁ, ଭୁବନେଶ୍ୱରର ଖଗେଶ୍ୱର ସାହୁ ଓ ଗଞ୍ଜାମର ଭାଗୀରଥୀ ବେହେରା । ତେବେ ଜବତ ହୋଇଥିବା ବଜ୍ରକାପ୍ତାକୁ ଚନ୍ଦକା ଡିଏଫଓଙ୍କୁ ହସ୍ତାନ୍ତର କରାଯିବ ବୋଲି ସୂଚନା ମିଳିଛି ।
