ଗିରଫ ହେଲେ ଓପିଏଚଡବ୍ଲୁସିର ଡେପୁଟି ମ୍ୟାନେଜର ପ୍ରତାପ ସାମଲ । ଭିଜିଲାନ୍ସ ଚଢାଉ ପରେ ତାଙ୍କର ଅମାପ ସମ୍ପତ୍ତି ରହିଛି । ଯାହାକୁ ଦେଖି ଭିଜିଲାନ୍ସ ଟିମ ଟେରା ହୋଇଯାଇଛି । ଚଢାଉରେ ପ୍ରତାପ ସାମଲଙ୍କ ୨୨ଟି ପ୍ଲଟ ସହ ୫ଟି କୋଠା ଥିବା ଜଣାପଡିଛି । ତେବେ ଭିଜିଲାନ୍ସ ପକ୍ଷରୁ ଆଜି ପ୍ରତାପଙ୍କ ଏକାଦିକ ସ୍ଥାନରେ ଚଢଉ କରାଯାଇଥିଲା ।
ସୂଚନା ଅନୁସାରେ, ଓଡିଶା ପୋଲିସ ହାଉସିଂ କର୍ପୋରେସନର ଡେପୁଟି ମ୍ୟାନେଜରଙ୍କ ଘରେ ମଙ୍ଗଳବାର ଭିଜିଲାନ୍ସ ପକ୍ଷରୁ ରେଡ କରାଯାଇଥିଲା । ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ୧୦ରୁ ଅଧିକ ସ୍ଥାନରେ ଚଢଉ ଜାରି କରିଥିଲା । ଜଣେ ଅତିରିକ୍ତ ଏସପିଙ୍କ ସହ ୫ ଜଣ ଡିଏସପି, ୭ ଜଣ ଆଇଆଇସି ଏହି ରେଡରେ ସାମିଲ ହୋଇଥିଲେ । ତେବେ ଏହି ଚଢାଉରୁ ପ୍ରତାପ ୧୫ କୋଟିରୁ ଅଧିକ ସମ୍ପତ୍ତିର ଅଧିକାରୀ ହୋଇଥିବା ଭିଜିଲାନ୍ସ କହିଛି ।
ଭୁବନେଶ୍ୱର ନୟାପଲିରେ ୩ ମହଲା ଘ୍ର, ଜୟଦେବ ବିହାର ଠକ ନିଟକରେ ୬ ମହଲା ଘର, ଖଣ୍ଡଗିରି ସରକନ୍ତାରେ ଏକ ମହଲା ଘର, ଜୟଦେବ ବିହାର ନରେନ୍ଦ୍ର ଭିଲା ଆପାର୍ଟମେଣ୍ଟରେ ଏକ ଫ୍ଲାଟ, ଭଦ୍ରକ ବାସୁଦେବପୁରରେ ୩ ମହଲା ବିଶିଷ୍ଟ ଆପାର୍ଟମେଣ୍ଟ, ବାଲେଶ୍ୱର ହରିପୁରର ପୈତୃକ ଘର, ଓଡିଶା ହାଉସିଂ କର୍ପୋରେସନ ଅଫିସ, ଭୁବନେଶ୍ୱର ଗୋଠପାଟଣାରେ ପ୍ରତାପଙ୍କ ସ୍ତ୍ରୀ ନାମରେ ୫ ମହଲାର ଘର ରହିଛି ।
