ଭବାନୀପାଟଣା:୧୪/୦୩(ଜୟକୃଷ୍ଣ ବେହେରା ): 14ମାର୍ଚ୍ଚ ସକାଳ ପ୍ରାୟ 5ଘଣ୍ଟା ସମୟରେ ବୋର୍ଦା ପୋଲିସ ନିକଟ ବୁଡ଼ା ପଡା ଛକ ନିକଟ ରାଜ ରାସ୍ତାରେ ବୋର୍ଦାର ରାଜେଶ ଜୈନଙ୍କ ପିକ ଅପ ଗାଡି ନମ୍ବର -ଓ ଡି 08ଜେ –8712.ଏକ ବାଇକ ଗାଡି ନମ୍ବର -ଓ ଡି. 08କ୍ଯୁ -6205,ସି ଟି 100କୁ ଜୋରରେ ସମ୍ମୁଖରୁ ଚାପି ଦେଇ ପ୍ରାୟ 12ମିଟର ଘୋଷାରି ଏକ ଜମି ରାସ୍ତା ତଳକୁ ନେଇ ଥିଲା, ଫଳରେ ବାଇକରେ ଥିବା ସ୍ୱାମୀ ସ୍ତ୍ରୀ ଓ ତିନି ବର୍ଷର ପୁଅ ଦୁର୍ଘଟଣାର ଶିକାର ହୋଇଥିଲେ I ଘଟଣା ସ୍ଥଳରେ ପୁଅ ମୃତ୍ୟୁ ଘଟିଥିବା ବେଳେ ସ୍ୱାମୀ ସ୍ତ୍ରୀ ଭୟଙ୍କର ଗୁରୁତ୍ତରକୁ ବୁର୍ଲା ଡାକ୍ତର ଖାନା ନେବା ବେଳେ ବାଟରେ ସ୍ୱାମୀ ଜିତେନ୍ ପରାଭୋଏ ମୃତ୍ୟୁ ଘଟିଯାଇଛି I ସ୍ତ୍ରୀ ମାଧୁରୀ ପରାଭୋଏ ଗୁରୁତ୍ତର ଅଛନ୍ତି I ପୁଅର ଶବ ବ୍ୟବଚ୍ଛେଦ ଭବାନୀପାଟଣା ମୁଖ୍ୟ ଡାକ୍ତର ଖାନାରେ କରାଯାଇ ପରିବାରକୁ ହସ୍ତାନ୍ତର କରାଯାଇଥିଲା I ପ୍ରକାଶ ଥାଉକି ଯେ ନର୍ଲା ପାଖର ପଠାଙ୍ଗ ପଡାରୁ ବିବାହ ଭୋଜିଖାଇବାକୁ ବୁଡ଼ା ପଡା ଗ୍ରାମକୁ ଆସିଥିଲେ I ବିବାହ କାର୍ଯ୍ୟକ୍ରମ ସାରି ବାଇକରେ ମୃତ ଜିତେନ୍ ପରାଭୋଏ ନିଜ ସ୍ତ୍ରୀ ଓ 3ବର୍ଷର ଶିଶୁକୁ ବାଇକରେ ନିଜ ଗାଁ ପଟାଂଗ ପଡା ଅଭିମୁଖେ ଯାଉଥିଲେ I ପିକ ଅପ ଗାଡି ନର୍ଲାକୁ ବିବାହ କାର୍ଯ୍ୟରେ ଆସିଥିବା ଲୋକ ମାନଙ୍କୁ ନେଇ ଫେରୁଥିବା ବେଳେ ଜୋରରେ ବାଇକକୁ ସମ୍ମୁଖରେ ଚାପି ଦେଇ ଥିଲା I ଖବର ପାଇ ବୋରଡ଼ା ପୋଲିସ ଅଧିକାରୀ ଚନ୍ଦ୍ର ହାସ୍ୟ ସାହୁ ପୋଲିସ ଟିମ ସହିତ କେଗାଁ ଥାନା ଭାର ପ୍ରାପ୍ତ ଅଧିକାରୀ ମୁକୁନ୍ଦ ଦେବ ନାୟକ ଘଟଣା ସ୍ଥଳରୁ ସମସ୍ତଙ୍କୁ ଉଦ୍ଧାର କରି ଭବାନୀପାଟଣା ଜିଲ୍ଲା ମୁଖ୍ୟ ଡାକ୍ତର ଖାନାକୁ ପଠାଇ ଅଧିକ ତଦନ୍ତ କରୁଥିବା ଜଣାପଡୁଛି I ଅନ୍ୟ ପକ୍ଷରେ ପ୍ରକାଶ ପିକ ଅପରେ ଲୋକଙ୍କୁ ନେବା, ଆଣିବା କେତେ ଯୁକ୍ତି ଯୁକ୍ତ ସାଧାରଣରେ ପ୍ରଶ୍ନ ଉଠୁଛି I ଏଯାଏଁ ଡ୍ରାଇଭର, ଆବଶ୍ୟକ କାଗଜ ପତ୍ର, ଡି ଏଲ, ଗାଡିର ଡକୁମେଣ୍ଟ ପୋଲିସକୁ ହସ୍ତ ଗତ ହୋଇ ନାହିଁ I ଦୁର୍ଘଟଣାଟି ଅଞ୍ଚଳରେ ଏକ ଶୋକର ଛାୟା ଖେଳାଇ ଦେଇଛି I ପୋଲିସ ବିଭାଗ ଏହାକୁ ଗୁରତ୍ତ ଭାବରେ ପଦକ୍ଷେପ ଗ୍ରହଣ କରିବାକୁ ସାଧାରଣରେ ଦାବି ହେଉଛି I
