କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ହୀରାପଶି ଗ୍ରାମରେ ଚୋରା ମହୁଲି ମଦ କାରବାର ବେଧଡକ ଚାଲିଛି । ମହୁଲି ମଦ ପ୍ରସ୍ତୁତି ସ୍ଥାନରେ ଅବକାରୀ ବିଭାଗ ଓ ତୁରୁମୁଙ୍ଗା ପୋଲିସର ମିଳିତ ଚଢ଼ାଉ । ଏହି ଚଢାଉ ବେଳେ ହଟହଟା ହେଲେ ପୋଲିସ ଓ ଅବକାରୀ ବିଭାଗ କର୍ମଚାରୀ ।
ସୂଚନାନୁସାରେ, କୌଣସି ସୁତ୍ରରୁ ଖବର ପାଇ ଆଜି ସକାଳୁ ଅବକାରୀ ବିଭାଗ ତୁରୁମୁଙ୍ଗା ପୋଲିସ ସହାୟତା ରେ ହୀରାପଶି ଗ୍ରାମରେ ଚୋରା ମହୁଲି ମଦ କାରାବର ଓ ପ୍ରସ୍ତୁତି ସ୍ଥାନରେ ଚଢ଼ାଉ କରିଥିଲେ । ଚଢ଼ାଉ ପରେ ବିପୁଳ ପରିମାଣର ମହୁଲି ମଦ ଓ ପଚ ଜବତ କରିଥିଲେ । କିନ୍ତୁ ଜବତ ଦେଶୀ ମଦ ଓ ମଦ ରନ୍ଧା ସାମଗ୍ରୀକୁ ଅବକାରୀ ବିଭାଗ କର୍ମଚାରୀଙ୍କ ଠାରୁ ମଦ ମାଫିଆ ଛଡାଇ ନେଇଥିଲେ । ଏହା ସହିତ ତାଙ୍କ ମୋବାଇଲକୁ ମଧ୍ୟ ଛଡ଼ାଇ ନେଇ ଫଟୋ ଓ ଭିଡିଓକୁ ଡିଲିଟ କରିଦେଇଥବା ଜଣାପଡ଼ିଛି । ଘଟଣାସ୍ଥଳରୁ ଅବକାରୀ ବିଭାଗ ପଳାଇ ଆସିଛି । ସମ୍ପୃକ୍ତ ଘଟଣାକୁ ନେଇ ଅବକାରୀ ବିଭାଗ ପକ୍ଷରୁ ମାଫିଆଙ୍କ ବିରୋଧରେ ତୁରୁମୁଙ୍ଗା ଥାନା ରେ ଲିଖିତ ଅଭିଯୋଗ କରିଛି ।
