ସାନପୁଅକୁ ମାରି ପୋତି ଦେଇଥିଲେ ମା ଓ ବଡପୁଅ । 11 ଦିନ ପରେ ପଦାକୁ ଆସିଲା ଘଟଣାର ସତ । ବାଲେଶ୍ୱର ଜିଲ୍ଲା ସୋର ଥାନା ବାହାନଗା ଜାତୀୟ ରାଜପଥ ଇଚ୍ଛାପୁର ପୋଖରୀ ନିକଟରେ ଘଟିଛି ଏହି ଅଭାବନୀୟ ଘଟଣା । ବାଲେଶ୍ୱର ସୋରର ବାହାନଗା ଇଚ୍ଛାପୁର ପୋଖରୀ ନିକଟରେ ଜଣେ 22 ବର୍ଷୀୟ ସାନ ପୁଅକୁ 11 ଦିନ ତଳେ ମାରି ଘରେ ପୋତିଦେଇଥିଲେ ଉଭୟ ମା ଏବଂ ବଡ଼ ପୁଅ । ଗତ 12 ତାରିଖ ରାତି 11 ଟା ସମୟରେ ସାନପୁଅ ମଦ ପିଇ ଘରକୁ ଫେରିବା ପରେ କୌଣସି କଥାକୁ ନେଇ ଉଭୟ ମା ଏବଂ ପୁଅଙ୍କ ମଧ୍ୟରେ ବଚସା ହୋଇଥିଲା । ପରେ ବଚସା ଉଗ୍ରରୂପ ଧାରଣ କରିବା ପରେ ମା ଶୁକୁରୀ ଜେନା ଏବଂ ବଡ଼ପୁଅ ଜଗବନ୍ଧୁ ଜେନା ମଦ୍ୟପ ସାନପୁଅକୁ ଶାବଳରେ ଆକ୍ରମଣ କରିଥିଲେ । ଫଳରେ ଘଟଣାସ୍ଥଳରେ ସାନପୁଅ ବଳରାମ ଜେନାଙ୍କ ମୃତ୍ୟୁ ଘଟିଥିଲା ।
ବଳରାମର ମୃତ୍ୟୁ ପରେ ତାକୁ ଶୋଇବା ଘର ଭିତରେ ଗାତ ଖୋଳି ଲୁଣ ଦେଇ ପୋତି ଦେଇଥିଲେ ମା ଓ ବଡପୁଅ । 11 ଦିନ ପରେ ଭାଇର ପିଣ୍ଡ ଶ୍ରାଦ୍ଧ କରି ଫେରିଥିଲା ବଡ଼ ଭାଇ ଜଗବନ୍ଧୁ । ପରେ ଘଟଣା ସମ୍ପର୍କରେ ଜଣାପଡିବା ପରେ ସୋର ଥାନା ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତ ମା ଏବଂ ବଡ଼ ପୁଅକୁ ଗିରଫ କରିଛି ।
