ଭାରତୀୟ କ୍ରିକେଟ ଟିମ ଅହମଦାବାଦର ନରେନ୍ଦ୍ର ମୋଦୀ ଷ୍ଟାଡ଼ିୟମରେ ଇଂଲଣ୍ଡ ବିପକ୍ଷରେ ଗୁରୁବାର ୩ୟ ଟେଷ୍ଟ ମ୍ୟାଚରେ ୧୦ ୱିକେଟ୍ରେ ବିଜୟୀ ହୋଇଛି । ଏଥି ସହିତ ଟିମ୍ ଇଣ୍ଡିଆର ଅଧିନାୟକ ବିରାଟ କୋହଲିଙ୍କ ନାଁରେ ଆଉ ଏକ ରେକର୍ଡ ଯୋଡ଼ି ହୋଇଯାଇଛି ।
ବିରାଟ କୋହଲି ଭାରତୀୟ ଟିମର ଅଧିନାୟକ ଭାବେ ଘରୋଇ ମାଟିରେ ସର୍ବାଧିକ ଟେଷ୍ଟ ମ୍ୟାଚ ଜିତିପାରିଛନ୍ତି । ଏଥି ସହିତ ସେ ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନୀଙ୍କୁ ମଧ୍ୟ ପଛରେ ପକାଇ ଦେଇଛନ୍ତି । ବିରାଟ କୋହଲିଙ୍କ ନେତୃତ୍ୱରେ ଭାରତରେ ୨୯ଟି ଟେଷ୍ଟ ମ୍ୟାଚ ଖେଳାଯାଇଥିବା ବେଳେ ସେ ଏଥିରୁ ୨୨ଟିରେ ବିଜୟୀ ହୋଇଛନ୍ତି । ଧୋନୀଙ୍କ ନେତୃ୍ତ୍ୱରେ ଭାରତରେ ୩୦ଟି ମ୍ୟାଚ ଖେଳାଯାଇଥିଲା । ଏଥିରୁ ଧୋନୀ ୨୧ଟି ଟେଷ୍ଟରେ ବିଜୟ ହାସଲ କରିଥିଲେ । ଟେଷ୍ଟ ମ୍ୟାଚରେ ବିରାଟ କୋହଲି ମୋଟ ୩୫ଟି ବିଜୟ ହାସଲ କରିଥିବା ବେଳେ ମହେନ୍ଦ୍ର ସିଂହ ଧୋନୀ ୨୭ଟି, ସୌରଭ ଗାଙ୍ଗୁଲୀ ୨୧ଟି ଓ ମହମ୍ମଦ ଆଝାରୁଦ୍ଦୀନ ୧୪ଟି ଜିତିଥିଲେ ।
