ପୁଣି ହୃଦୟ ଜିଣିଲେ ସବ୍ୟସାଚୀ । ପୁରୀର କୁନିଙ୍କ ମୁହଁରେ ଫେରାଇଲେ ହସ । କୁନିଙ୍କ ଟ୍ୟୁମର ସଂପର୍କରେ ଏକ ଖବର ଦେଖି ସହାୟତାର ହାତ ବଢ଼ାଇଥିଲେ ସବ୍ୟସାଚୀ । ଏବେ କୁନି ଯନ୍ତ୍ରଣାରୁ ମୁକ୍ତ ହୋଇଛନ୍ତି । ଆଉ କହିଛନ୍ତି, ଥ୍ୟାଙ୍କୟୁ ସବ୍ୟ ଭାଇ ।
କୁନିଙ୍କ ମୁହଁରେ ହସ ଫୁଟାଇପାରିଛନ୍ତି ଅଭିନେତା ସବ୍ୟସାଚୀ । କୁନି ହେଉଛନ୍ତି ପୁରୀ ବାଲିପଡ଼ା ଗାଁର କୁନି ପଣ୍ଡା । ହାତରେ ଟ୍ୟୁମର ହୋଇଥିଲା, 7 ମାସରେ ବଢ଼ି ବଢ଼ି ଅସହ୍ୟ ହୋଇଥିଲା ଯନ୍ତ୍ରଣା । ଡାକ୍ତର କହିଥିଲେ ଖର୍ଚ୍ଚ ହେବ ଦେଢ଼ ଲକ୍ଷ ଟଙ୍କା । ଶେଷରେ କ୍ୟାମେରା ଆଗରେ ମାଗିଥିଲେ ସହାୟତାର ହାତ । ସହାୟତାର ହାତ ବଢ଼ାଇ ସବ୍ୟସାଚୀ ତାଙ୍କ ଚିକିତ୍ସା କରାଇଥିଲେ । ଚିକିତ୍ସା ସଫଳ ହୋଇଛି । କୁନି ଏବେ ବହୁତ ଖୁସି ଅଛନ୍ତି ।
