ଭୁବନେଶ୍ୱରର ସିଆରପିଏଫ ଛକରେ ଯୁବକଙ୍କୁ କାର ଭିତରେ ହତ୍ୟା ଘଟଣାରେ 3ଟି ମାମଲା ରୁଜୁ କରି ତଦନ୍ତ ଆରମ୍ଭ କରିଛି ପୋଲିସ । ସିଆରପି ହତ୍ୟା ଘଟଣା,ପିସିଆର ଭଙ୍ଗା ରୁଜା ଘଟଣା ଓ ଅଭିଯୁକ୍ତଙ୍କୁ ସାଧାରଣ ଲୋକ ମାଡ ମାରିବା ଘଟଣାରେ ପୋଲିସ ତରଫରୁ ରୁଜୁ 3ଟି ମାମଲା ରୁଜୁ ହୋଇଛି ।
ସିଆରପିଏଫ ଛକ ଭିଆଇପି କୋଲନୀ ବିଚ ରାସ୍ତାରେ ଯୁବକଙ୍କୁ ହତ୍ୟା କରାଯାଇଛି । ଦିନ ଦ୍ୱିପ୍ରହରରେ ସିଆରପି ଛକରେ ଘଟିଛି ଏଭଳି ଜଘନ୍ୟ ହତ୍ୟାକାଣ୍ଡ । ଆକ୍ରମଣରେ ଜଣେ ମୃତ । ମୃତ ଯୁବକଙ୍କ ଟୁକୁନା ଦାସ ଓରଫ ଜଟିଆ ବୋଲି ଜଣାପଡିଛି । କାର ଭିତରେ ଜଣେ ଯୁବକଙ୍କୁ ଭୁଜାଲି ଓ ଫାର୍ସାରେ ଅନ୍ୟ 2ଯୁବକ ହାଣିଛନ୍ତି । ଏହାକୁ ନେଇ ଘଟଣାସ୍ଥଳରେ ଉତ୍ତେଜନା ଦେଖାଦେଇଥିଲା । ଉତ୍ତ୍ୟକ୍ତ ଲୋକ ଦୁଇ ଆକ୍ରମଣକାରୀଙ୍କୁ ନିର୍ଧୁମ ପିଟିଥିଲେ । ପୋଲିସ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା ସହ ଘଟଣାର ଛାନଭିନ କରୁଛି । ତେବେ ପୂର୍ବ ଶତ୍ରୁତାକୁ କେନ୍ଦ୍ର କରି ଏହି ହତ୍ୟାକାଣ୍ଡ ଘଟିଥିବା ସୂଚନା ମିଳିଛି । ଅଟକ ଥିବା 2 ଯୁବକ ହେଲେ ସୁଧିର ଓ ସାଗର । ଆକ୍ରମଣକାରୀ ଓ ମୃତକ ସାଲିଆ ସାହିର ବୋଲି ସୂଚନା ମିଳିଛି । ପୂର୍ବ ଶତ୍ରୁତାରୁ ଏଭଳି ହୋଇଛି ବୋଲି ସନ୍ଦେହ କରାଯାଉଛି ।
