ଫ୍ରାନ୍ସର କୋଟିପତି ଓଲିଭିୟର ଡସଲ୍ଟ ଏକ ହେଲିକପ୍ଟର ଦୁର୍ଘଟଣାରେ ପ୍ରାଣ ହାରିଛନ୍ତି । ଡସଲ୍ଟଙ୍କ ମୃତ୍ୟୁରେ ଫ୍ରାନ୍ସର ରାଷ୍ଟ୍ରପତି ଇମାନୁଏଲ ମାଇକ୍ରୋ ଶୋକ ଜଣାଇଛନ୍ତି । ସୂଚନାଯୋଗ୍ୟ, ଡସଲ୍ଟ ଫ୍ରାନ୍ସର ସାଂସଦ ମଧ୍ୟ ଥିଲେ ।
ଫ୍ରାନ୍ସ ଶିଳ୍ପପତି ଓ ହଜାର ହଜାର କୋଟି ସଂପତ୍ତିର ମାଲିକ ସର୍ଜ ଡସଲ୍ଟଙ୍କ ବଡ଼ ପୁଅ ହେଉଛନ୍ତି ଓଲିଭିୟର ଡସଲ୍ଟ । ସେ ମୃତ୍ୟୁ ବେଳକୁ ୬୯ ବର୍ଷ ବୟସର ଥିଲେ । ତାଙ୍କର କଂପାନୀ ରାଫେଲ ଲଢୁଆ ବିମାନ ମଧ୍ୟ ଉତ୍ପାଦନ କରିଥାଏ ।
ଗଣମାଧ୍ୟମର ରିପୋର୍ଟ ଅନୁସାରେ ରବିବାର ଡସଲ୍ଟ ବ୍ୟକ୍ତିଗତ ହେଲିକପ୍ଟର ନର୍ମଡୀ ଦୁର୍ଘଟଣାଗ୍ରସ୍ତ ହୋଇଥିଲା । ସେହି ସମୟରେ ସେ ଛୁଟି ବିତାଇବାକୁ ବାହାରିଥିଲେ । ଡସଲ୍ଟଙ୍କ ପରଲୋକରେ ରାଷ୍ଟ୍ରପତି ଇମାନୁଏଲ ଶୋକ ଜଣାଇଛନ୍ତି । ସେ ଶିଳ୍ପ, ନେତା, ବାୟୁସେନା ଓ କମାଣ୍ଡର ଭାବେ ଦେଶର ସେବା କରିଛନ୍ତି ବୋଲି ଇମାନୁଏଲ ଟୁଇଟରେ ଉଲ୍ଲେଖ କରିଛନ୍ତି ।
