ଗଞ୍ଜାମ ଜିଲ୍ଲାରେ ମର୍ମନ୍ତୁଦ ସଡକ ଦୁର୍ଘଟଣା । ଟ୍ରକ ଧକ୍କାରେ ଭାଇଭଉଣୀ ମୃତ ଓ ବାପା ମାଆ ଗୁରୁତର । ଘଟଣାସ୍ଥଳରେ ଉତ୍ତେଜନା ଦେଖାଦେଇଛି ।
ଗଞ୍ଜାମ ଜିଲ୍ଲା ରମ୍ଭା ନିକଟ ସାବଳିଆରେ ଏକ ବାଇକରେ ବାପା, ମାଆ, ଭାଇ ଭଉଣୀ ଯାଉଥିଲେ । ପଛରୁ ଆସୁଥିବା ଏକ ଟ୍ରକ ଏନଏଚ ଗଣ୍ଡାପାଲି ନିକଟରେ ବାଇକ ଉପରେ ଚଢି ଯିବାରୁ 2ଜଣଙ୍କ ମୃତ୍ୟୁ ଘଟିଛି । ମୃତକ ହେଲେ 2 ଭାଇଭଉଣୀ । 10 ବର୍ଷ ବୟସର ଭାଇ ଓ 7 ବର୍ଷର ଭଉଣୀର ମୃତ୍ୟୁ ଘଟିଛି । ବାପା ମାଆ ଦୁଇଜଣ ଗୁରୁତର ହୋଇଛନ୍ତି । ସେମାନଙ୍କୁ ଉଦ୍ଧାର କରାଯାଇ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ଉତ୍ତେଜନା ଦେଖାଦେଇଛି । ବାଇକକୁ ଧକ୍କା ଦେଇଥିବା ଟ୍ରକ ଜବତ ସହ ଡ୍ରାଇଭରକୁ ଅଟକ ରଖାଯାଇଛି ।
