ଗଜପତି ଜିଲ୍ଲା ମୋହନା ଥାନା ଜିରାଙ୍ଗ ପଞ୍ଚାୟତ ଅନ୍ତର୍ଗତ ଜିରାଙ୍ଗ ଗ୍ରାମ ନିକଟରେ ଟ୍ରାକ୍ଟର ଓଲଟି ଜଣେ ମୃତ୍ୟୁ ବରଣ କରିଥିବା ବେଳେ ଦୁଇ ଜଣ ଆହତ ହୋଇଛନ୍ତି । ମୃତକ ଜଣଙ୍କ ହେଲେ ମୋହନା ଥାନା ବାଉଁଶୁରୀ ଗ୍ରାମର ନୀଳକଣ୍ଠ ଗମାଙ୍ଗ । ଆହତ ମାନେ ହେଉଛନ୍ତି ଶିବ ଶବର ଏବଂ ରାଜିବ ଶବର । ସୂଚନା ଅନୁସାରେ, ବାଉଁଶୁରୀ ଗ୍ରାମରୁ ଡ୍ରାଇଭର ସମେତ ଆଉ ଚାରିଜଣ ଲେବରକୁ ନେଇ ଖସଡ଼ା ନଦୀକୁ ବାଲି ବୋଝେଇ କରିବା ପାଇଁ ଯିବା ବେଳେ ଜିରାଙ୍ଗ ଗ୍ରାମ ନିକଟରେ ଭାରସାମ୍ୟ ହରାଇ ଟ୍ରାକ୍ଟରଟି ରାସ୍ତା କଡକୁ ଖସିପଡିଥିଲା । ଫଳରେ ଘଟଣା ସ୍ଥଳରେ ନୀଳକଣ୍ଠଙ୍କ ମୃତ୍ୟୁ ଘଟିଥିବା ବେଳେ ସ୍ଥାନୀୟ ଲୋକଙ୍କ ସହାୟତାରେ ଆହତ ଦୁଇଜଣଙ୍କୁ ଚନ୍ଦ୍ରଗିରି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି ।
