କରୋନା ମହାମାରୀ ସମୟରେ ଲୋକଙ୍କୁ ଲୋକ ମାନଙ୍କୁ ଯୋଡି ରଖିବା ପାଇଁ ସାହାଯ୍ୟ କରିବାକୁ ଜିଓ ଏହାର ବ୍ୟବହାରକାରୀଙ୍କ ପାଇଁ ନୂତନ ଯୋଜନା ଏବଂ ମାଗଣା ଯୋଜନା ଘୋଷଣା କରିଛି । ଏହି ମହାମାରୀ ସମୟରେ ଯେଉଁ ମାନେ ରିଚାର୍ଜ କରିବାକୁ ଅକ୍ଷମ ହେବେ ସେମାନଙ୍କୁ ମାସିକ ୩୦୦ ମିନିଟ୍ ମାଗଣା ଆଉଟ୍ ଗୋଇଙ୍ଗ୍ କଲ୍ର ସୁବିଧା ପ୍ରଦାନ କରିବ । ଏହା ସହ ଯୋଉଁ ଜିଓଫୋନ ଉପଭୋକ୍ତା ରିଚାର୍ଜ କରିଛନ୍ତି ସେମାନେ ସମାନ ମୂଲ୍ୟର ରିଚାର୍ଜ ଯୋଜନା ମାଗଣାରେ ପାଇବେ ବୋଲି କମ୍ପାନୀ ପକ୍ଷରୁ ଘୋଷଣା ହୋଇଛି ।
କୋଭିଡ ମହାମାରୀର ଏହି ଅଦ୍ୱିତୀୟ ସମୟରେ, ଆମେ ଜିଓରେ ନିଶ୍ଚିତ କରିବାକୁ ଚାହୁଁଛୁ ଯେ ଗ୍ରାହକ ମାନେ କିପରି ଯୋଡି ହୋଇ ରହିବେ ଏବଂ ଏହା ସେମାନଙ୍କ ପାଇଁ ପହଁଚ ଓ ସୁଲଭ ମୂଲ୍ୟରେ ରହିବ, ବିଶେଷକରି ଆମ ସମାଜର କମ୍ ସୁବିଧାଜନକ ବିଭାଗ ଲୋକ ମାନେ ।
ଚାଲିଥିବା ମହାମାରୀ ସମୟରେ ଜିଓଫୋନ୍ ବ୍ୟବହାରକାରୀଙ୍କୁ ନୂତନ ସୁବିଧା ଦେବା ପାଇଁ ଜିଓ ରିଲାଏନ୍ସ ଫାଉଣ୍ଡେସନ୍ ସହିତ ସହଭାଗୀ ହୋଇଛି। ଉପଭୋକ୍ତାମାନେ କୋଟା ଠାରୁ ପ୍ରତିଦିନ ୧୦ ମିନିଟ୍ ଅଧିକ ବ୍ୟବହାର କରିବାକୁ ସକ୍ଷମ ହେବେ ବୋଲି ସୁଚନା ରହିଛି ।
ଜିଓଫୋନ ଉପଭୋକ୍ତା ରିଚାର୍ଜ କରିଛନ୍ତି ସେମାନେ ସମାନ ମୂଲ୍ୟର ରିଚାର୍ଜ ଯୋଜନା ମାଗଣାରେ ପାଇବେ । ଅର୍ଥାଥ୍ ଯଦି ଜଣେ ଉପଭୋକ୍ତା ୭୫ ଟଙ୍କା ରିଚାର୍ଜ ସହିତ ତାଙ୍କ ଫୋନ୍ ରିଚାର୍ଜ କରନ୍ତି, ତେବେ ତାଙ୍କୁ ମାଗଣାରେ ୭୫ ଟଙ୍କା ମୂଲ୍ୟର ଅତିରିକ୍ତ ରିଚାର୍ଜ ମିଳିବ ।
ବର୍ତ୍ତମାନ ଜିଓଫୋନ୍ ବ୍ୟବହାରକାରୀଙ୍କ ପାଇଁ ଜିଓ ର ପାଞ୍ଚଟି ଯୋଜନା ଅଛି । ଏହି ଯୋଜନାଗୁଡିକ ୭୫ ଟଙ୍କାରୁ ଆରମ୍ଭ ହୋଇ ୭୪୯ ଟଙ୍କା ପର୍ୟ୍ୟନ୍ତ ଯାଏ। ୭୫ ଟଙ୍କା ଯୋଜନାରେ ପ୍ରତିଦିନ ୧୦୦ ଏମବି ଡାଟା ଏବଂ ୫୦ ଟି ଏସଏମଏସ ଏବଂ ମୋଟ ୩ ଜିବି ଡାଟା ପ୍ରଦାନ କରାଯାଇଛି। ଏହି ଯୋଜନା ୨୮ ଦିନ ପାଇଁ ବୈଧ ଅଟେ । ୧୨୫ ଟଙ୍କା ଦିନକୁ ୫୦୦ ଏମବି ଡାଟା କିମ୍ବା ୦.୫ ଜିବି ଯୋଜନା କରେ ଏବଂ ୨୮ ଦିନ ପାଇଁ ମୋଟ ୧୪ ଜିବି ଡାଟା ଅଛି । ଏହି ଯୋଜନାରେ ୩୦୦ ଏସଏମଏସ ମାଗଣା ଅଛି ।୧୫୫ ଟଙ୍କା ଯୋଜନାରେ ୨୮ ଦିନ ପାଇଁ ଦିନକୁ ୧ ଜିବି ଡାଟା ଏବଂ ଦିନକୁ ୧୦୦ ଏସଏମଏସ ଥିବାବେଳେ ୧୮୫ ଟଙ୍କା ଯୋଜନାରେ ୧୦୦ ଏସଏମଏସ ପାଇଁ ଦୈନିକ ୨ ଜିବି ଡାଟା ରହିଛି।
