କେନ୍ଦୁଝରରେ ଦୁଖଃଦ ଘଟଣା । ବଜ୍ରାଘାତରେ ଚାଲିଗଲା ୩ ଜୀବନ । ରାଜ୍ୟର ଆଜି ଅନେକ ସ୍ଥାନରେ ଭାରି ବର୍ଷା ହୋଇଥିଲା ଯାହା ଫଳରେ ବହୁ ସ୍ଥାନରେ ଘଡଘଡି ସହ ବିଜୁଳି ମାରିବାର ଦେଖାଦେଇଛି ।
କେନ୍ଦୁଝର ଜିଲ୍ଲା ଘଟଗାଁ ଥାନା ଢେଙ୍କିକୋଟ କୁନ୍ଦୁରୁଗୋଡା ସାହିରେ ପ୍ରବଳ ବର୍ଷା ଯୋଗୁଁ ଘଡଘଡି ଓ ବିଜୁଳି ମାରିବା ସହିତ ବଜ୍ରାଘାତରେ ୩ ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି ।
ସୂଚନା ଅନୁସାରେ ଝାଡଖଣ୍ଡ ଅଞ୍ଚଳର କିଛି ଯାଯାବର ଗଛ ମୂଳରେ ଆଶ୍ରୟ ନେଇଥିବା ବେଳେ ହଠାତ୍ ବଜ୍ରାଘାତ ଘଟି ୩ ଜଣଙ୍କର ମୃତ୍ୟୁ ହୋଇଛି । ବଜ୍ରାଘାତରେ ମା’, ଝିଅ ଓ ଭାଉଜଙ୍କ ମୃତ୍ୟୁ ହୋଇଥିବା ଜଣାପଡିଛି ।
ଗାଁ ନିକଟ ଏକ ପଡିଆରେ ସମସ୍ତେ କିଛି ଦିନ ଧରି ରହିଆସୁଥିଲେ ଓ ଆଜି ବର୍ଷା ସମୟରେ ଏକ ଗଛ ତଳେ ପରିବାରର ସମସ୍ତେ ଆଶ୍ରୟ ନେଇଥିଲେ ।
