ଗତକାଲି ବିଳମ୍ବିତ ରାତିରେ ଭୁବନେଶ୍ୱରର ଗଙ୍ଗା ନଗର ଅଞ୍ଚଳରେ ଜଣେ ସୁରକ୍ଷା କର୍ମୀ ନିଜ ବନ୍ଧୁକରୁ ଗୁଳି ଚଳାଇ ଆତ୍ମହତ୍ୟା କରିଥିବା ଅଭିଯୋଗ ହୋଇଛି। ମୃତ କୃଷ୍ଣ ଦାଶ ନାମକ ବ୍ୟକ୍ତି ଜଣକ ପାରିବାରିକ ସମସ୍ୟା ହେତୁ ଚରମ ପଦକ୍ଷେପ ନେଇଥିବା ଆଶଙ୍କା କରାଯାଉଛି। ତେବେ ପରିବାର ପକ୍ଷରୁ କୌଣସୀ ପାରିବାରିକ ଝଗଡାକୁ ଖଣ୍ଡନ କରିଛନ୍ତି ।
ତେବେ ମୃତକଙ୍କ ପତ୍ନୀ କହିଛନ୍ତି ଯେ କିଛି ଦିନ ପୂର୍ବରୁ ତାଙ୍କୁ କିଛି ଦୁର୍ବୁତ୍ତ ଆକ୍ରମଣ କରିବା ପରେ ସେ ଗୁରୁତର ମାନସିକ ଚାପରେ ଥିଲେ। ଏହା ପୁର୍ବରୁ ପ୍ରଥମେ ସେ ବନ୍ଧୁକ ବ୍ୟବହାର କରି ଘର ଭିତରେ ଆତ୍ମହତ୍ୟା କରିବାକୁ ଚେଷ୍ଟା କରିଥିଲେ। ତଥାପି, ମୁଁ ଏବଂ ମୋ ପିଲାମାନେ ତାଙ୍କ ନିକଟରୁ ବନ୍ଧୁକ ଛଡ଼ାଇ ତାଙ୍କୁ ରକ୍ଷା କରିଥିଲୁ।
ଏହାର କିଛି ସମୟ ପରେ ସେ ଘରୁ ବାହାରକୁ ଆସି ବନ୍ଧୁକରୁ ଗୁଳି ଚଳାଇଥିଲେ। ପୂର୍ବର ଅନ୍ୟ ଏକ ଆତ୍ମହତ୍ୟା ଉଦ୍ୟମକୁ ରୋକିବା ପାଇଁ ଦାଶଙ୍କ ପତ୍ନୀ ପୋଲିସକୁ ଡାକିଥିଲେ ମଧ୍ୟ ପୋଲିସ କର୍ମଚାରୀଙ୍କ ଉପସ୍ଥିତିରେ ଏହି ଘଟଣା ଘଟିଥିଲା। ପୋଲିସ ପ୍ରତିକ୍ରିୟା ପ୍ରକାଶ କରିବା ପୂର୍ବରୁ ବ୍ୟକ୍ତିଜଣଙ୍କ ନିଜକୁ ହତ୍ୟା କରିଥିଲେ। ପରେ ପୋଲିସ ମୃତଦେହକୁ କ୍ୟାପିଟାଲ ହସ୍ପିଟାଲକୁ ପଠାଇଥିଲା। ଆତ୍ମହତ୍ୟା ପଛର କାରଣ ତଦନ୍ତ ପରେ ଜଣା ପଡିବ ବୋଲି ପୋଲିସ କହିଛି।
