ମାହାଙ୍ଗା ନିର୍ବାଚନ ମଣ୍ଡଳୀ ପୋଡାମରାଇ ଠାରେ ରବିବାର ପ୍ରାତଃ ସମୟରୁ ମହିମା ଅଲେଖ ପରଂବ୍ରହ୍ମ ପାଦେ ଶରଣମ୍ ଅଖଣ୍ଡବତୀ ମହିମା ମେଳା ଅହୋରାତ୍ର ବ୍ରହ୍ମଧ୍ଵନି ସ୍ଥାପନ ଆଧ୍ୟାତ୍ମିକ କାର୍ଯ୍ୟକ୍ରମ ସମଗ୍ର ବିଶ୍ୱ, ସମାଜର ମଙ୍ଗଳ ପାଇଁ ମହାସମାରୋହରେ ଅନୁଷ୍ଠିତ ହୋଇଯାଇଛି l ମହିମା ଅଲେଖ ଧର୍ମ ରେ ଦୀକ୍ଷିତ ମାହାଙ୍ଗା ବିଜେପି ନେତା ଶାରଦା ପ୍ରଧାନଙ୍କ ବହୁ ଦିନର ଆକାଂକ୍ଷା ରହିଥିଲା କି ନିଜ ବାସଭବନରେ ବିଶ୍ୱର ମଙ୍ଗଳ ପାଇଁ ମହିମା ମେଳା କରିବା ପାଇଁ ତାହା ଆଜି ସଫଳ ହୋଇଥିବାରୁ ଶ୍ରୀ ପ୍ରଧାନ 4 ଦିଗରୁ ଆସିଥିବା ମହିମା ଧର୍ମାବଲମ୍ବୀ ବାବା ମାନଙ୍କୁ ଶତକୋଟି ପ୍ରଣାମ ଜଣାଇବା ସହିତ ପୁର୍ନବାର ମାହାଙ୍ଗା ଅଞ୍ଚଳ ସମେତ ସମଗ୍ର ପୃଥିବୀର ମଙ୍ଗଳ କାମନା କରିଥିଲେ l ସତ୍ୟ ମହିମା ଧର୍ମ ବିଶୁଦ୍ଧ ଅଦୌତ ବ୍ରହ୍ମବାଦ, ବ୍ରହ୍ମଜ୍ଞାନ, ଭକ୍ତିଯୋଗ, ନିଷ୍କାମ ଆତ୍ମିକତତ୍ୱା ମାନବ ଜୀବନର ଏକମାତ୍ର ଶ୍ରେୟ ମାର୍ଗ, ଗୁରୁ ମହିମା ସ୍ୱାମୀ ସ୍ୱୟଂ ବ୍ରହ୍ମ ପୁରୁଷ ଧରାଧାମରେ କଳିର ପ୍ରାବଲ୍ୟ ଅପସାରଣ କରିବା ନିମିତ୍ତ ମହାଶୂନ୍ୟ ମଣ୍ଡଳରୁ ଅବତୀର୍ଣ୍ଣ ହୋଇଥିଲା, ଉତ୍କଳ ଭୂମିର ନିଜସ୍ୱ ଧର୍ମ, ଗର୍ବ ଏବଂ ଗୌରବ ମହିମାଧର୍ମ, ଯେଉଁ ଧର୍ମ କୁ ସମାୟନୁକ୍ରମେ ପରାପର ସନ୍ୟାସୀବୃନ୍ଦ ଚାରି ଦିଗରେ ଧର୍ମ ର ପ୍ରଚାର କରି ଆସୁଛନ୍ତି ବୋଲି ମହିମା ଧର୍ମୀ ବାବା ମାନେ ମତପ୍ରକାଶ କରିଥିଲେ l ଏପରିକି ଗ୍ରାମକେ ରାତିଏ, ଘରକେ ମୁଠିଏ ଭିକ୍ଷା ଅଵଲମ୍ବନ ପୂର୍ବକ ତ୍ୟାଗ ତପସ୍ୟା ମାର୍ଗରେ ଜୀବନକୁ ଉତ୍ସର୍ଗ କରି ମହି ପର୍ଯ୍ୟଟନ କରି ଜଗତ ଓ ଭଗତ ଙ୍କ ମଙ୍ଗଳ ସାଧନା କରିଆସିଛନ୍ତି ମହିମା ଧର୍ମୀ ବାବାବୃନ୍ଦ l ମାହାଙ୍ଗା ବ୍ଲକ ପୋଡାମରାଇ ଠାରେ ବିଜେପି ନେତା ଶାରଦା ପ୍ରଧାନ ଙ୍କ ପ୍ରତ୍ୟକ୍ଷ ଉଦ୍ୟମ ଏବଂ ଚାରି ଦିଗରୁ ଆସିଥିବା ମହିମା ବାବାଙ୍କ ଦ୍ୱାରା ଏହି ମେଳା କାର୍ଯ୍ୟକ୍ରମ ସଫଳ ହୋଇପାରିଥିଲା
