ରାଜ୍ୟରେ ଶୀତ ଲହରୀ ଜାରି ରହିଛି । ସକାଳୁ ଘରୁ ବାହାରକୁ ବାହାରିବା କଷ୍ଟ ହୋଇପଡୁଛି । ଦେହ ହାତ କାଲୁଆ ହୋଇଯାଉଛି । ଆସନ୍ତାକାଲିଠୁ ଶୀତ ଆହୁରି ବଢିବ । ପ୍ରବଳ ଜାଡରେ ଥରୁଛି ଓଡିଶା । ଆଜି ଅନେକ ସ୍ଥାନରେ ଘନ କୁହୁଡି ସାଙ୍ଗକୁ ଶୀତ ଲହରୀ ଦେଖିବାକୁ ମିଳିଛି । ଆଭ୍ୟନ୍ତରୀଣ ଓଡିଶାରେ ରାତିର ତାପମାତ୍ରା ଆହୁରି କମିବ । ତାପମାତ୍ରା 2 ରୁ 4 ଡିଗ୍ରୀ କମିପାରେ । 10 ତାରିଖ ଯାଏଁ ଏହିପରି ଥଣ୍ଡା ଜାରି ରହିବ ବୋଲି ଅନୁମାନ କରାଯାଉଛି । ତେବେ ଏହି ଶୀତୁଆ ସକାଳର ମଜା ନେଉଛନ୍ତି ଲୋକେ । ସକାଳୁ ମର୍ଣ୍ଣିଂ ୱାକ କରିବା ସହ ଚା ଖଟିରେ ସମୟ କାଟିବାକୁ କିଛି ଲୋକ ପସନ୍ଦ କରୁଛନ୍ତି ।
