ଭୁବନେଶ୍ୱର ଚନ୍ଦକା ରାସ୍ତାରୁ ମୁଣ୍ଡ ବିହୀନ ମୃତଦେହ ମିଳିବା ଘଟଣାରେ ନୂଆ ଟ୍ୱିଷ୍ଟ୍ । ଏହି ମାମଲାରେ ଏବେ ପୋଲିସ ହାତରେ ବଡ ସୁରାକ ଲାଗିଛି। ମହିଳାଙ୍କୁ ପ୍ରଥମେ ଦୁର୍ବୃତ୍ତ ତଣ୍ଟି ଚିପି ହତ୍ୟା କରିଥିଲା । ଏହାପରେ କଟା ଯାଇଥିବା ସୂଚନା ମିଳିଛି । ଏନେଇ ପୋଷ୍ଟ ମଟର୍ମ ରିପୋର୍ଟରୁ ଜଣାପଡିଛି । ରିପୋର୍ଟରେ ଉଲ୍ଲେଖ ରହିଛି ଯେ, ପ୍ରଥମେ ମୁଣ୍ଡ କାଟି ହତ୍ୟା କରାଯାଇ ନଥିଲା । ବରଂ ମହିଲାଙ୍କୁ ପ୍ରଥମେ ତଣ୍ଟି ଚିପି ହତ୍ୟା କରାଯାଇଥିଲା । ପରେ ପ୍ରମାଣ ଲୁଚାଇବା ପାଇଁ ଶରୀରରୁ ମୁଣ୍ଡ କଟାଯାଇଥିଲା । ତେବେ ମୃତଦେହର ପୁଣି ପୋଷ୍ଟ ମଟର୍ମ ପାଇଁ ଏମ୍ସକୁ ପଠାଯାଇଛି । ଏହାରି ମଧ୍ୟରେ ମହିଳାଙ୍କ ପରିଚୟ ଜାଣିବା ପାଇଁ ପୋଲିସ ପୋଷ୍ଟର ଜାରି କରିଛି । ରାଜଧାନୀର ବିଭିନ୍ନ ଛକରେ ପୋଷ୍ଟର ମାରିଛି କମିଶନରେଟ୍ ପୋଲିସ । ଯଦି କିଏ ସୂଚନା ଦିଏ ତେବେ ତାଙ୍କ ପରିଚୟ ପ୍ରଘଟ କରାଯିବ ନାହିଁ । ଏପରିକି ତାଙ୍କୁ ପୁରସ୍କାର ମଧ୍ୟ ଦିଆଯିବ । ଏହାସହ ପୋଲିସ ଦୁଇଟି ମୋବାଇଲ୍ ନମ୍ବର ଜାରି କରିଛି ।୮୨୮୦୩୩୮୩୨୩ ଓ ୮୨୮୦୩୩୮୨୯୬ ନମ୍ବର ଜାରି କରିଛି ପୋଲିସ
ସୂଚନାଯୋଗ୍ୟ, ଗତ ବୁଧବାର ତାରିଖ ସକାଳେ ଦାସପୁର ରାସ୍ତାରେ ଜଙ୍ଗଲ ପାଖରୁ ଏକ ମୁଣ୍ଡ ବିହୀନ ମୃତଦେହ ମିଳିଥିଲା । ଏହା ଜଣେ ମହିଳାଙ୍କର ହୋଇଥିବା ସୂଚନା ମିଳିଥିଲା । ଏହାସହ ମୃତଦେହ ପାଖରୁ ଗୋଭସ୍, ବିଅର ବୋତଲ ଓ ଏକ ଛୁରୀ ମିଳିଥିଲା ।
