ରାଜ୍ୟ ସରକାରଙ୍କୁ ଖୋଲା ଚାଲେଞ୍ଜ ଦେଲେ ବିଜେପି ନେତା ଗୋଲକ ମହାପାତ୍ର । ରେଳ ଅନୁଦାନ ପ୍ରସଙ୍ଗରେ ଶାସକ ଦଳକୁ ଖୋଲା ବିତର୍କ ପାଇଁ ଆହ୍ୱାନ ଦେଲା ବିଜେପି । ମାଷ୍ଟରକ୍ୟାଣ୍ଟିନ ଛକକୁ ଆସନ୍ତୁ ଆମେ ଖୋଲା ବିତର୍କ ପାଇଁ ପ୍ରସ୍ତୁତ ଅଛୁ ବୋଲି କହିଛନ୍ତି ବିଜେପି ସାଧାରଣ ସମ୍ପାଦକ ଗୋଲକ ମହାପାତ୍ର ।
ଗତକାଲି ବିଜେଡି ରେଳ ଅନୁଦାନ କ୍ଷେତ୍ରରେ ଅବହେଳା ପ୍ରସଙ୍ଗ ଉଠାଇ ବିଜେପି ନେତାଙ୍କୁ ଖୋଲା ବିତର୍କ ପାଇଁ କହିଥିଲେ । ରାଜ୍ୟରେ ଯଦି ରେଳ ପ୍ରକଳ୍ପ ଆଗେଇ ପାରୁନି ତେବେ ସେଥିରେ ରାଜ୍ୟ ସରକାରଙ୍କ ଅପାରଗତା ଦାୟୀ । ଏଇ 6 ରୁ 7 ବର୍ଷ ଭିତରେ 14 ହଜାର କୋଟି ନୁହେଁ 36 ହଜାର କୋଟି ଆସିଛି । ଶାସକ ଦଳ ନେତା ଓଡିଶାବାସୀଙ୍କୁ ଦିନରେ ଲଣ୍ଠନ ଦେଖାଉଛନ୍ତି । ରାଜ୍ୟରେ ରେଳ ବିକାଶ ନ ହୋଇ ପାରିବାରେ ଜମି ଅଧିଗ୍ରହଣ, ଆଇନଶୃଙ୍ଖଳା, ଫରେଷ୍ଟ କ୍ଲିଅରାନ୍ସ ମୁଖ୍ୟ ସମସ୍ୟା ସୃଷ୍ଟି କରୁଛି । କେବଳ ଔଷଧ ବିକଳରେ ତାଟିଆ କାମୁଡୁଛନ୍ତି ସରକାର ।
