କୋଏଲ ନଦୀରେ ଭାସୁଛି 2 ନାବାଳକଙ୍କ ମୃତଦେହ । ଆଜି 2 ନାବାଳକ ନଦୀରେ ମୃତ୍ୟୁ ବରଣ କରିଛନ୍ତି । ସୁନ୍ଦରଗଡ ଜିଲ୍ଲା ରାଉରକେଲା କୋଏଲ ନଦୀରେ 2 ନାବାଳକଙ୍କ ମୃତଦେହ ଭାସୁଛି । କିଛି ସ୍ଥାନୀୟ ଲୋକେ ଏହା ଦେଖି ପୋଲିସକୁ ଖବର ଦେଇଥିଲେ । ଝିରିପାଣି ପୋଲିସ , ଫାୟାର ବ୍ରିଗେଡ଼ ଟିମ ଏବଂ ସ୍ଥାନୀୟ ଲୋକ 2 ନାବାଳକଙ୍କ ଶବକୁ ନଦୀରୁ ଉଦ୍ଧାର କରିଛନ୍ତି । ବୈକୁଣ୍ଠ ଘାଟ ନିକଟ କୋଏଲ ନଦୀ କୂଳରେ ଉଭୟ ନାବାଳକଙ୍କ ଚପଲ ପଡିଛି । କୌଣସି ପାଖ ଅଞ୍ଚଳର ପିଲା ଦୁଇଜଣ ନଦୀରେ ଗାଧୋଉଥିବା ବେଳେ ବୁଡି ଯାଇଥିବେ ବୋଲି ଅନୁମାନ କରାଯାଉଛି । ଏପର୍ଯ୍ୟନ୍ତ ଉଭୟଙ୍କୁ ଚିହ୍ନଟ କରାଯାଇପାରିନାହିଁ ।
