ଦିନକୁ ଦିନ ରାଜ୍ୟରେ ଶିକାରୀଙ୍କ ସଂଖ୍ୟା ବଢୁଥିବା ବେଳେ ଲୋପ ପାଇଯାଉଛି ପଶୁ ସମ୍ପଦ । ଏପରି କ୍ଷେତ୍ରରେ ସବୁ ଜାଣିଶୁଣି ଚୁପ୍ ବସିଛନ୍ତି ବନ ବିଭାଗ ଅଧିକାରୀ । ଯାହାଫଳରେ ଦିନ ଦି’ପହରରେ ପଶୁଙ୍କ ଉପରୁ ଆକ୍ରମଣ ହେଉଛି । ସୁଚନା ଅନୁସାରେ ଢେଙ୍କାନାଳ ଜିଲ୍ଲା ହିନ୍ଦୋଳ ବନାଞ୍ଚଳ କନ୍ଧରା ସଂରକ୍ଷିତ ଜଙ୍ଗଲରେ ୧୦ରୁ ୧୫ ଦୁର୍ବୃତ୍ତ ଏକ ଦନ୍ତା ହାତୀ ଉପରକୁ ଗୁଳି ମାରି ଦାନ୍ତ ନେଇଯାଇଛନ୍ତି ।
କେବଳ ଏତିକି ନୁହେଁ ରିଜର୍ଭ ଫରେଷ୍ଟରେ ବନକର୍ମଚାରୀଙ୍କ ଉପରକୁ ମଧ୍ୟ ଫାଙ୍କା ଗୁଳିଚାଳନା କରିଥିବା ବନବିଭାଗ ଅଭିଯୋଗ କରିଛି । ସୌଭାଗ୍ୟବଶତଃ ବନକର୍ମଚାରୀମାନେ ଅଳ୍ପକେ ବର୍ତ୍ତି ଯାଇଛନ୍ତି। ଶିକାରୀ ମାନଙ୍କ ମଧ୍ୟରୁ ୨ଜଣଙ୍କୁ ଅଟକ ରଖାଯାଇ ପଚରାଉଚରା କରାଯାଉଛି । ଶିକାରୀମାନେ ବଡ଼ମ୍ବା ନରସିଂହପୁର ଅଞ୍ଚଳର ବୋଲି ସନ୍ଦେହ କରାଯାଉଛି। ଏହାର ତଦନ୍ତ ଜାରି ରହିଥିବା ଡିଏଫ୍ଓ ସୂଚନା ଦେଇଛନ୍ତି।
